O vesiga na faifaitetele I le va o ni kulupu se lua o talavou na auai I le Royal Easter show I Sini, na maua lelei I luga o le tiktok ma ua maimoaina e le toatele e aofia ai ma leoleo.
O ata mai lea vesiga na pueina e nisi ua faateia ai tagata aemaise o latou aiga ma ua oo atu I le 2.5 miliona taimi ua maimoaina ai e tagata I le upega tafailagi.
O se video o loo faailoa ai fusuaga a I latou ia seia oo ina faalavelave ane iai nisi ma taumafai e taofi. Faamaonia mai e leoleo I Niu Sau Uelese I talafou a le ala ata 7 o le po o le aso gafua na tulai mai ai lenei vevesi na agai ane iai leoleo ma sekulati o le nofoaga.
O le Royal Easter show na amata mai I le aso muamua o Aperila seia oo I le aso 12 o le masina nei lava ae o le tausaga na tea nei e lei oo le faaaliga lea ona ole faamai. O loo faia suesuega a leoleo I le mafuaaga o le vevesi.
