Ua tau fai solo atu faamaisega ma alofa’aga mo le tuumalo o le faauluuluga o le Ekalesia Katoliko i le lalolagi, Pope Falanisisi lea na faamaonia mai lona tuumalo i le aso ananafi, Easter Monday.

Ua 88 tausaga o le soifua o le Pope ma ua ta’ua i lipoti o le stroke ma le faaletonu i lona fatu na aafia ai e pei ona faailoa e le Vatikano.

O nai aso ua tuana’i atu o le faamanatuina o le Eseta sa auai ai Pope Falanisisi i sauniga faalaua’itele a o feagai ai ma lu’itau o lona soifua mālōlōina.

Ua faailoa i lipoti o katinale uma e i lalo ifo o le 80 tausaga a le ekalesia o le a potopoto e filifili le isi Ta’ita’i o le ekalesia o le a iai ma e masani ona i le va o le 2-3 vaiaso e faia ai lea filifiliga a o feagai ai le ekalesia ma le piliota o faanoanoaga ona o le tuumalo o lē sa ta’ita’i i le ekalesia.

Fai mai isi lipoti o lana mavaega o loo ia ta’ua ai e fia teuina o ia i se tuugamau e pei ona masani ai le to’atele i le fanua i le Basilica di Santa Maria Maggiore i Roma, e i fafo mai o le Vatikano.

Puna o Faamatalaga: https://edition.cnn.com/world/live-news/pope-francis-death-04-21-25/index.html