O tagata Aukilani uma e 65 tausaga ma sili atu lea o le a maua se valaaulia I ni nai vaiaso o lumanai ai mo le faia o tuipuipui o le koviti 19. E fa nisi nofoaga mo le faia o tuipuipui ua fuafua e tatalaina I Albany, Tamaki, Pukekohe ma Takanini ao lei oo I le faaiuga ole masina.
Lipoti mai le Herald ua taua ai e silia male 110 afetagata tai 65 tausaga ma sili atu e alalai Aukilani ma o I latou la ia o le a tuuina iai valaau ile imeli poo textfoi mole faia tuipuipui pei ona faamanino mai e le vaega ole soifua maloloina.
O ia valaau ole a okometi lava ona lafo atu o lona uiga e leai se mea e manaomia ona e faia sei vagana ua maua atu lau imeli poo le text foi.
O isi vaega o loo totoe o le Kulupu 3 e aofia ai le 164 afe o tagata aukilani e iai nisi faaletonu tau le soifua maloloina o le a tuuina atu iai lea foi valaaulia ile poo le ogatotonu o Iulai.
E leai se totogi mo le faia o le tui ma o se vaega taua o le faatumauina o le saogalemu o le komiuniti ma le puipuia mai le koviti 19.
