Ua valaauina nei kamupani fai telefoni tetele a Ausetalia ina ia silasila i nisi o popolega e faatatau i le tapunia o le 3G Network ma ono lē mafai ai e le tusa ma le 740 afe o 4G customers ona tavili le Triple Zero pe a manaomia.
A o faasolo ai le galuega o le suia mai o le 3G agai i le 4G i kamupani fai telefoni tetele nei, e manatu nisi o i latou o le a leai se aafiaga ae iai foi lipoti ua ta’ua ai o le ituaiga o le 4G e iai isi ana telefoni sa faatau mai atunuu i fafo atu o Ausetalia o loo maua i faamaumauga e foliga sa faapolokalame lava e faamoemoe i le 3G e vili ai le triple 0.
Pe ā ma le 740 afe tagata Ausetalia o loo ono aafia a latou telefoni i lenei faafitauli, fai mai le minisita o fesootaiga, Michelle Rowland e tāua tele ona foia le faafitauli lenei aemaise e tāua foi le auaunaga o loo saunia mai e telefoni.
