Ua valaau le vaega faaupufai a le Leipa mo se faamaninoga mai le Malo poo a tonu mea o loo latou silafia ma le silafia foi e faatatau i le agavaa e toe aveesea mai ai le HMNZS Manawanui. Ua faia lea valaau i le maea o se faamatalaga mai le sui faaulu o le Navy Commodore Andrew Brown lea na ia tā’ua ua sauni atoatoa e lagolago le toe aveesea mai o le vaa.

Peitai o le vaiaso nei na saunoa ai le palemia o Luxon e lei faia se faaiuga a le inisiua ma le Navy i le tonu e tatau ona fai pe toe taumafai e aveese mai le vaa ua goto. Ua saunoa foi Commodore Brown i le lipoti lava lea o loo fesootai nei ma kamupani i le lalolagi atoa mo se fesoasoani i le aveesea mai o le suauu mai le vaa ma o loo mautu foi le manatu e galulue faatasi ma le malo o Samoa i lea tulaga.

O le mae’a o le feiloaiga ma le au tusitala i le aso ananafi na tāua ai e Luxon e lei faailoa atua ia te ia seisi faamatalaga lata mai pe o le a toe taumafai e aveese mai le vaa pe leai, lea la ua valaau ai le taitai o le Leipa ua tatau ona faamanino tonu mai i le atunuu le tulaga o iai lea mataupu

Puna o Faamatalaga: https://www.rnz.co.nz/news/political/530769/manawanui-recovery-labour-calls-for-clarity-over-options