Ua i luga o nisi o upega tafailagi le video o loo faailoa ai le osofaia o se tasi teine aoga e isi teine aoga matutua atu ia te ia a o taumafai e sola ese ma puipui lona tagata.

O le video i luga o le instagram o se mataupu aupito lata mai lea faapea ua toe vaaia foi i upega tafailagi ma ua faailoa o teine aoga mai le Mangakotukutuku College i Hamilton lea na tatala i le masina o Fepuari.

Fai mai le RNZ o le masina lava lea na matapogia ai se tamaitiiti 13 tausaga ina ua osofaia e se isi tama aoga sinia i se vevesi na tupu i le aoga ma lockdown ai.

I le lipoti la lea ua ta’ua ai le faatupula’ia pea o le lē fiafia o mātua i le tulaga ua alia’e mai pea, ae e na o le pau lea o le kolisi i lea sone ma ua iai foi mātua ua taofi fanau mai le aoga ona o popolega i mataupu faapea.

Fai mai i le mae’a o le lockdown i le aoga i le amataga o le tausaga na tuuina ai loa sekulati i le aoga peitai ua lē o toe vaaia foi.

Puna o Faamatalaga: https://www.rnz.co.nz/news/national/518899/mangakotukutuku-college-video-shows-another-violent-attack-on-student