O le alii e suafa ia Pete Hegseth lea ua filifilia e Donald Trump e avea ma failautusi o le Puipuiga a Amerika.
O Hegseth sa tautua i le ami a le atunuu ma sa avea foi o se tagata faasalalau i le Fox News ma faauluulu iai nisi o kulupu tau militeli i le atunuu.
Sa momo’e i le faigapalota talu ai mo le nofoa o Minnesota peitai e le’i manuia peitai e tāua tele le tofiga ua filifilia ai nei.
Fai mai Trump e leai se tasi e malosi lana finau mo vaegaau pei o Pete Hegseth ma ua talafeagai lona tofiga.
Na mua’i filifilia foi e Trump, Mike Huckabee e avea ma amepasa o Amerika i Isaraelu atoa ai ma le filifilia o Mike Waltz o se tasi o ana faufautua.
I isi lipoti mai Amerika ua ta’ua ai i le asō ua faatuai foi pe toe tolopo le tuuina ane o se i’uga i le mataupu e faatatau i moliaga o Trump lea e faapea ua toe taatia seia aulia le aso 19 o Novema.
Puna o Faamatalaga: https://www.bbc.com/news/live/cnvjr42yq39t
