E moni e 50 setete i le malo tele o Amerika peitai e na o le 7 o ia setete e telē lo latou aafiaga i le faigapalota i le asō mo le tofi Peresetene.

Fai mai le CNN o se vaega itiiti o nofoaga faapalota i setete e na o le pau ia o nofoaga o loo mata’itū e le atunuu e maua ai avanoa o Kamala ma Donald Trump i le manumalo.

O le 2020 foi i le faigapalota mo le sa’ilia o se Peresetene na malo ai Joe Biden i le popular vote, malo i setete o Georgia, Arizona, Wisconsin ma oo ai i le falepa’epa’e.

O loo tau fai tutusa lava taumafaiga a sui faatutū e to’alua mo le faigapalota i le i’uga o palota faata’ita’i o loo faatinoina nei.

O se taimi o le afiafi e lē taumate o le a tau atagia mai ai se i’uga o le faigapalota a le malo tele a o faasolosolo ai ona amata lauina i’uga o palota mai setete ta’itasi.

O loo iai lipoti o ni faamata’u o ni pomu i nisi nofoaga palota ma o loo silasila iai le ‘ausu’esu’e ma leoleo i ia tulaga.

Puna o Faamatalaga: https://www.9news.com.au/world/us-presidential-election-2024-live-updates-results-donald-trump-kamala-harris-latest-world-news-headlines/2dbe47be-cdaf-4b12-8050-160df20a9ae6