Ua una’ia e le faletupe o le ANZ pisinisi mai Niu Sila ma Ausetalia ina ia inivesi i le Pasefika. Lipotia e le RNZ Pacific le sauni ai o nisi atumotu o le Pasefika e toe tatala tuaoi i le lalolagi ma ua alagatatau foi ona silasila le aufaipisinisi i avanoa ua matala mai.
O Samoa le isi atumotu muamua o le Pasefika na tapunia vave tuaoi ina ua alia’e mai le koviti, lea ua faamaonia le toe tatala o faitoto’a i le masina fou ina ua silia ma le lua tausaga e le’i toe agai atu ni tagata tafafao asiasi mai atunuu e mamao.
Fai mai le ANZ e ao i pisinisi i Niu Sila ma Ausetalia ona silasila i le Pasefika e lē na o se nofoaga mo tafaoga ae o ni avanoa foi tau pisinisi.
