Unaia malosi mai e le soifua maloloina le faia o tuipuipui o le flu ina ua faamaonia le uma ai o le ola o se tamaitiiti 4 tausaga le matua i Melepone.
O mātua o loo agai iai lea unai a le soifua maloloina ina ia faia tuipuipui o le fanau, e faia fua e aunoa ma se totogi.
Fai mai o le tamaitiiti na uma lona ola i le falemai o Austin o Melepone i le aso 10 o le masina nei ma sa faia ona toe sauniga i le Aso Lua o le vaiaso nei.
Ua faamauina foi e le matagaluega o le soifua maloloina i Vitoria le siitia o le aofai o ē ua aafia i le flu i le taimi nei aemaise lava i tamaiti i lalo ifo o le ta’i 5 tausaga.
O tuipuipui mo le flu e faia fua mo tagata e tele lamatiaga e aafia ai i ni faama’i ogaoga e aofia ai ma tamaiti i lalo o le 5 tausaga le matutua faapea foi le aumatutua ua silia ma le 65 tausaga o le soifua.
Puna o Faamatalaga: https://7news.com.au/news/health-authorities-push-flu-vaccination-following-death-of-melbourne-boy-c-15156974
