O se tina matua mai Sini ua ia unaia tagata ia siaki pili o a latou kesi ina ua ia iloa lana pili e 80 pasene ua over charged, pe ua sili atu ai nai lo le pili sa’o sa tatau ona ia totogiina.
O lea tina matua o loo ta’ua i le 9News na ia ta’ua le faate’ia o ia ina ua maua ane sana pili i le meli i le masina talu ai mai le Energy Australia ma ia iloa ai e $640.
Na faigata ona talitonu le tina ona e seāseā faaaogā lana kesi ma e tapē i le tele o taimi.
Na ia faafesoota’i le Energy Australia ma faia foi ana su’esu’ega i le mita ma ua toe tuuina mai ai le pili sa’o e na o le $110 tala lona uiga e silia ma le 500 tala Ausetalia sa over charge ai.
Ua ta’ua i le lipoti se faamatalaga mai le kamupani eletise na mafua le pili lea e 640 ona o le reading poo le faitauga i le mita sa ta’u atu e le tina.
E ui i lea o le faamanatu mai le tina matua ia aua le faatamala ae silasila i pili ma toe siaki poo sa’o e maua ai foi se faamāmā avega i tupe faaalu o lenei vaitau.
Puna o Faamatalaga: https://www.9news.com.au/national/sydney-woman-reveals-how-one-phone-call-cut-530-off-her-gas-bill/9ec82ae6-baf2-4633-8f18-026dec284614
