O loo faaauau pea ona na o vaalele feoai i totonu o Niu Sila e tulaueleele i le malaevaalele i Dunedin.
Talu mai lava ona tapunia i le amataga o le Koviti o lea lava o loo faaauau ona tapunia i le taimi nei, ma o vaa foi a le Virgin Australia lea na tele ina faaaogaina i ana faigamalaga e faia i le va o Brisbane ma Dunedin o lea e faatali se tala poo afea e toe amata ai.
I faamaoniga mai le pulega o le malaevaalele ananafi, o loo faaauau nei ona galulue ma kamupani vaalele mo nisi avanoa e mafai ai ona toe fesootai ma le itu i Saute o Ausetalia.
O le masina o Novema na toe amata lele ai le Virgin Australia i le va o Ausetalia ma Niu Sila ma o Queenstown lea o loo tele ina agai iai.
Mai le kamupani vaalele a le Ea Niu Sila, e le o iai ni ana fuafuaga i le taimi nei e iai ni ana faigamalaga e afea ai Dunedin ona e le o tusa ma le fuainumera o vaa o loo felelei ma le pisi ua iai nei.
