O le alii pese lauiloa o se alo foi o Samoa, Pene Pati mai le aufaipese a le Sol3 Mio ua ausia se tasi o tulaga aupito maualuga i le lalolagi o pesepesega ua ta’ua i le faaperetania o le Opera.
O le masina nei ua aga’i ai Pene mo le ulua’i taimi i le New York Metropolitan Opera ma ua ia mauaina se tasi o vaega autū o se tasi o faamoemoe tele o lea polokalame.
Ua ta’ua e Pene i se faatalanoaga i le RNZ o se moemitiga lea ua leva ona iai i lea faamoemoe e na te faaigoa o le Olimipeka o lea foi ituaiga pesepesega, opera singing.
E tele vaega ua faafiafia ai le alii pese ma e lē fou foi i stage tetele i faafiafiaga e pei ona sa iai i San Francisco, Paris, Naples, Vienna ma Barcelona.
Na ia ta’ua foi i lea faatalanoaga e lagona lona mitamita e fai ma sui o Samoa ma le Pasefika aemaise Aotearoa i luga o nei stage tetele.
Puna o Faamatalaga: https://www.rnz.co.nz/news/national/539729/sol3-mio-s-pene-pati-makes-his-new-york-metropolitan-opera-debut
