Mo le ulua’i taimi ua tali mai ai le malo o Kiribati i le mataupu ua toe iloilo ai e Niu Sila le faaauau ma le faamuta o faiga faapaaga i le va o atunuu e lua.
O le vaiaso talu ai na fai mai le Sui Palemia o Niu Sila, o ia foi o le minisita o le va i fafo, Winston Peters, ua toe iloilo nei faiga faapaaga i le va o atunuu e lua ona o lea ua faalēaogā mai e Kiribati le fonotaga na faasauni atu iai.
Peitai na tali mai le ofisa o le Peresetene a Kiribati ananafi ma fai mai, ua faate’ia i latou i faasalalauga na alu atu i le vaiaso talu ai e tauala atu i tala a ofisa faasalalau faapea tusitusiga.
O le mau a le ofisa o le Peresetene, o lea e faapea i latou o loo faatalanoa se isi aso fou e toe tuu atu iai.
O loo faamalamalama mai ai foi le ulua’i taimi na ta’u ai le malaga lenei a Peters i Kiribati i le tausaga talu ai, peitai e le’i mafai i lea taimi ona o loo vaaia e le malo tausi le Kapeneta i le mae’a faata’ape ai o lana Palemene ia Me o le tausaga talu ai.
O le aotelega o le tali mai a Kiribati, e foliga mai e lē o iai lava se manatu e momotu le vavalalata o le mafutaga ma Niu Sila.
I se tali a le sooupu o le ofisa o le minisita ia Winston Peters ananafi, o le a taumafai lava e galulue ma Kiribati i le mafai e oo iai.
Puna o Faamatalaga: Kiribati: ‘New Zealand government cancelled its own proposed visit’ | RNZ News
