Ua faailoa e le Peresetene o Ukraine, Volodymyr Zelensky ua sauni e faamavae mai le tofi ta’ita’i pe afai e maua ai se filemu mo lona atunuu.

Ina ua fesiligia e tusitala i se feiloa’iga ma le ta’ita’i i le faai’uga o le vaiaso, na faailoa ai e Zelensky afai e maua ai se filemu mo Ukraine i lona faamavae ua ia sauni iai ma e mafai foi ona sui i le avea o Ukraine ma totino o le NATO.

I se taimi ua sola sa faailoa ai e Zelensky e mana’omia le faaluaina o le to’atele o lana ami pe afai e teena pea e le NATO le avea o Ukraine ma se tasi o ona sui ae o le amataga o le masina nei na faailoa ai e le failautusi o le puipuiga a Amerika o Pete Hegseth, o le auai o Kyiv i le NATO e lē o se mea e ono tupu.

Ina ua toe fesiligia Zelensky pe ono toe faaleleia le la sootaga ma Trump, na ia faailoa i le autusitala o Peresetene e lē tatau lava ona lusi a latou faiga faapaaga ma o latou atunuu.

Puna o Faamatalaga: https://edition.cnn.com/2025/02/23/europe/ukraine-zelensky-resign-nato-intl/index.html