Ua toe sui e le malo ma o le a faamuta unlimited free driver license test resits, poo le avanoa o loo saoloto ai pea tagata e toe su’e su’ega mo laisene avetaavale pe a lē pasi e aunoa ma se tupe e toe totogi.
E amata mai le Aso Gafua o le vaiaso a sau ona na o le tasi le su’ega toe su’e poo le resit e agavaa ai le avetaavale o loo su’e le su’ega theory poo le practical foi e faia fua, a o isi uma su’ega toe su’e, e totogi.
O se suiga ua toe faia e le malo ona ua avea le faia fua o su’ega toe su’e ma faapogai ua pei ua faafaigofie ai peitai ua atili umi ai ona tatali le toatele mo su’ega o laisene avetaavale.
O le saolotogo o loo iai pea nei na faia lea e le faigamalo a le Labour i le tausaga talu ai ina ia faafaigofie ai ona toe su’e su’ega avetaavale ma faamāmā ai le avega, peitai ua umi ai nei ona faatali avanoa mo le toatele e fia faia su’ega o laisene avetaavale.
O se suiga o loo talileleia e le AA lea o loo pulea le tele o fale faisu’ega.
Puna o Faamatalaga: Govt scraps unlimited free driver licence test re-sits (1news.co.nz)
