Ua saoloto nei tagata Aukilani mai le totogiina o lafoga o le suauu poo le fuel tax. 

O le asō ua pa’ū ai le tau o le suauu a Aukilani i le 11.5 sene, auā o lea ua aloaia le suiga na pasia ai i le faigamalo o loo iai nei le faamuta o le fuel tax a Aukilani poo le lafoga na amata faia mai le 2018 ma o lea na pasia e faaauau ai mo le 10 tausaga. 

Mai lea taimi e oo mai i le masina o Setema o le tausaga talu ai, ua tusa ma le $780 miliona tupe maua mai lea lafoga. 

Ua fai mai ai ma le Automobile Association, le AA o le a ia mataituina pamu penisini ina ia mautinoa latou te lē o faaauauina pea ona tāpā le 11.5 sene lea na faamuta i le aso ananafi. 

O le tutua’ai o le AA e tusa ma saunoaga a le faufautua ia Terry Collins ua sau ai i le mae’a faailoa o le lipoti a le komisi o pisinisi lea e lei mamao atu i le vave ona sii e pamu penisini o le tau o le suauu i le taimi na alu ai luga le tau o le suauu i maketi i fafo, ae tuai ona toe tuu mai i lalo ina ua pa’ū le tau. 

Puna o Faamatalaga: http://Auckland fuel tax: AA puts petrol stations on notice about prices (1news.co.nz)