O loo tuuaia e le Minisita o le Va i fafo a Niu Sila o Winston Peters tagata mai fafo afua lea i ni feeseeseaiga i le fonotaga a taitai o le Pasefika le Pacific Island Forum.
Ta’ua e Peters o outsiders poo tagata ia mai fafo ua o latou faailoa atu foi ia i latou tagata latou te mananao e fai ma valaaulia peitai e le o le auala lea a le pasefika.
O loo iai i le taimi nei Peters ma taitai o le pasefika i le fonotaga a Minisita o le Va i Fafo a le pasefika i Suva ae ua mae’a faafofoga le pasefika i se faamatalaga mai le palemia o Solomona Jeremiah Manele na ia ta’ua ai e le tatau ona auai nisi paaga a le Forum ile fonotaga ole a faia i Honiara.
O le faamatalaga ia a Peters pei ona lipotia i le RNZ ua ta’ua ai e ao ona faamautinoa o soo se outsider e auai i fonotaga ia o se tagata faaaloalo ma iloa tonu tagata o loo auai i le fono.
E le o malilie uma taitai o le pasefika i le finagalo faaalia o Manele ae manatu Peters o le itu taua o le faamautinoa o mea o loo ave iai le faamuamua a outsiders e le o taomia ai lagona ma manatu o le pasefika.
Puna o Faamatalaga: https://www.rnz.co.nz/international/pacific-news/569944/winston-peters-blames-outsiders-for-pacific-islands-forum-tensions
