Ua lē fiafia kamupani vaalele i le poloka o feoa’iga i le aga’i atu i le malaevaalele i Aukilani ma ua tuua’ia ai le mall fou a le Mānawa Bay.
E molimau le Board of Airline Representatives o lea na poloka ai ma tagata galulue i luga o vaalele i le poloka o auala na iai le faai’uga o le vaiaso.
Na maua e tala fou o le to’atele na aafia ai feoa’iga i le faai’uga o le vaiaso o i latou nei na aga’i atu e fia o aga’i i le park and rike, toe uma faatali le pasi e faaauau atu ai i le malaevaalele.
O lea e lei atoa se vaiaso talu ona tatala le mall fou e 200 miliona ma ona tupu le tau, ma ese mai i poloka i le faai’uga o le vaiaso o lea lava e molimauina le aga’i iai o le to’atele e faaauau mai i le aso ananafi.
E ese mai i tagata galulue o lea foi na faatuai ai ma pasese ma tuai ai ona ave ato aga’i i vaalele.
O nisi o pasese na faatuai o lea na toe sui taimi o faigamalaga e aunoa ma se totogi.
Ae mai le malaevaalele i Aukilani, na ona fai mai o taimi amatamata ae talitonu o le a sologa lelei i le aga’i i luma.
E lē o iloa le umi o le a alualu ai faapea le pisi o le Mānawa Bay, peitai o le vaiaso fou e amata ai tuuaga o a’oga a fanau ma o taimi pisi ia i le aga’i i le malaevaalele i Aukilani.
Puna o Faamatalaga: Mānawa Bay: Auckland Airport mall delays flights as crew caught in traffic – airlines – NZ Herald
