Tutusa finagalo o le National ma ACT, la te aveesea wards mo tagata Maori pe afai ae faamanuiaina mai I le palota o loma nei.
O wards nei faapitoa mo tagata Maori na faaofi mai I le 2001 ma le faamoemoe ina ia lagona leo o tagata Maori I totonu o faaiuga fai a pulega faaitumalo.
I faamaumauga e ono councils o loo iai wards Maori.
O se mataupu na muamua laga mai e le taitai o le ACT David Seymour, mulimuli ai lagolagoina e le taitai o le National Christopher Luxon.
I suesuega na maua ai o le 13.5% o sui o loo I totonu o pulega a nuu, ma ua latalata foi lea I le pasene o le faitau aofai o tagata Maori I totonu o Niu Sila.
Mai ia Seymour e lelei galuega o loo faia e tagata Maori nei e filifilia I totonu o saofaiga a councils, ae e le o iai se faafitauli e moomia ona foia.
