O lea ua uma le piriota na tuuina mai mo tagata faigaluega o loo faamuamua mo tui o le Koviti, ma o lea ua faamalosia le aveesea mai galuega o e e le I mananao e faia tui
O le aso mulimuli o Aperila lea na uma ai aso na tuuavanoa mai ai le malo I tagata galulue I tuaoi ma nofoaga faanofoesea e faia ai tui, ma o lea ua aloaia le tulafono o loo aiaia ma faamalosia ai le tatau I nei tagata galulue ona faia tui
Maua ai e tala fou e toaiva tagata faigaluega a le vaega o tiute na teena tui o lea ua tutuli
Tala a Jacinda Funnell o le sui pule sili o le vaega o tiute, o lea toaiva ua maea tuuina iai tusi te’a ona e le I mafai ona maua nisi galuega I totonu o le matagaluega e ofoina atu iai
Faamautinoa mai foi e le vaega o tiute o le amataga o Mati na amata faatalanoa ai tagata faigaluega I le utiuti o avanoa e mafai ona maugaluega ai I totonu lava o le matagaluega
Ae I le kamupani vaalele a Ea Niu Sila, pau le faamaoniga e tusa ma tala a le Herald o lea ua maea faia tui e lua o le 60% o tagata galulue I luga o vaalele e 4000, ae 72% ua maea faia tui muamua
O nei fuainumera o loo aofia tagata Ea Niu Sila I Aukilani faapea Kalaiesetete
E le o faailoa mai e le kamupani vaalele pe iai nisi o ana tagata faigaluega o teena tui o le Koviti
