Ua tutū faatasi nisi e aumau i se pitonuu o Aukilani e tetee atu i le talosaga a se tasi o faipisinisi mo se vaega e faatulaueleele ai helicopters i se fale tele fou faato’ā mae’a ona fausia.
O le tamaitai pule o le kamupani a le Zuru, Anna Mowbray ma lana paaga le alii o Ali Williams sa taalo i le All Blacks na talosaga mo se ioega e fausia ai le nofoaga lea e faatulaueleele ai helicopters i Rawene Avenue i Westmere.
Peitai e tetee iai nisi e aumau latalata ane ona o popolega i le lamatiaga i manufelelei ma le faalavelave foi i le soifua ua masani ai i latou i lo latou faaitu.
Fai mai le RNZ afai ae ioeina le talosaga lea o le lona iva ai lea o helipad ua ioeina mo le faaitu lava lea.
Na faamatala e se tasi tamā matua i le aufaasalalau sa filemu lava le magaala lea i tausaga ua tuanai ma e lei tele foi ni fale tetele.
I se pepa o faamatalaga mai le Pulega a Aukilani e pei ona ta’ua i le lipoti o loo faailoa ai o loo faagasolo pea ona iloilo le talosaga ma e lei faia iai se faai’uga ma afai ae faamauina o le a iai le avanoa o tagata lautele e faaali ai finagalo i se feiloaiga lautele e faia.
Ua faailoa e sui o loo tulai mo Mowbray ma Williams e lē o fia faia sa la faamatalaga i lenei mataupu.
Puna o Faamatalaga: https://www.rnz.co.nz/news/national/521944/auckland-residents-unite-against-multimillionaire-anna-mowbray-s-helipad-plan
