O le finau e tutū faatasi ma tetee atu i le gasegase o le kanesa o le fai’ai, brain cancer, o se taumafaiga ua omai faatasi ai le autapuai o le taaloga lakapi aemaise tama taaalo ma pulega o ‘au e ala i le laeiina o le beanie e faailoa ai le lagolago i lea taumafaiga.
O le Beanies for Brain Cancer na amata e lē sa avea foi ma tama taalo o le liki, Mark Hughes ma lona toalua o Kiralee i le 10 tausaga talu ai ina ua faamaonia le aafia o Mark i lea gasegase i le 2013.
Na saunoa ai le alii taalo i le aufaasalalau o se fiafiaga sili mo laua le tulaga ua iai lea taumafaiga i le taimi nei pe a faatusa atu i le taimi faato’ā amata ai.
Ua faailoa o le taimi nei o loo feagai le Foundation ma le sailia o se fofo mo le kanesa o le fai’ai e ala i su’esu’ega o loo faagasolo.
E $25 e faatau ai le Beanie ma o lea vaegatupe e maua mai e fesoasoani ai e faatupe su’esu’ega mo se togafiti ma o loo faatau foi i faleoloa o Lowes, IGAs faapea ma taaloga i faaiuga o vaiaso.
