Ua tusi tagata e iai tomai faapitoa ma agavaa tau i le saogalemu aga’i i le malo ia toe faalēaogāina ana fuafuaga o le a toe tuu ai i luga le saoasaoa e feoa’i ai taavale.

O le tusi lenei mai le Global Road Safety Partnership ua ave i le Palemia ia Christopher Luxon faapea le minisita o fela’ua’iga Simeon Brown.

E to’a 46 tagata Niu Sila o loo saini i le tusi ma le 51 mai atunuu i fafo e aofia ai tagata mai Ausetalia, Peretania, Hong Kong ma Netherlands.

I lea tusi o loo lapata’i ai le malo i le ono alu ai i luga o le fuainumera o tagata e maliliu ona faalavelave tau taavale ma o loo faalēaogāina foi e le tusi le finagalo o le malo o le toe tuu i luga o le saoasaoa e feoa’i ai taavale e fesoota’i lea ma le manuia o le tamaoaiga.

I faamaumauga o tagata maliliu ona o faalavelave i luga o auala tetele, 223 tagata maliliu i le va o Ianuari ma Aokuso o le tausaga talu ai, ae 179 i le piriota lava lea e tasi o le tausaga nei.

Pule o Faamatalaga: https://www.1news.co.nz/2024/09/16/people-will-die-more-concerns-raised-over-proposed-speed-limit-changes/