O le tau o meaai i Aotearoa o loo tumau lava ona le mafaufau le maualuga, e ui lava i le tau o le soifuaga ua tau tuumāmā mai.
O le tulaga i Niu Sila e foliga mai ua sili atu ona leaga nai lo isi atunuu e faatusatusa iai Aotearoa.
I le lipoti mai le Vaaiga a le Lalolagi – World Vision – ua faailoa ai le 56 pasene o le siitaga o oloa, i se faataitaiga o se ato o taumafa – e aofia ai alaisa, fa’i, moa ma fuamoa – i le va o le 2022 ma le 2023.
Ae ia Ausetalia, sa vaaia ai le 29 pasene o le palasi o le tau o nei taumafa.
Sa faaalia ai e le alii Misiona o le Taulaga o Ueligitone – Wellington City Missioner – ia Murray Edridge i le vaega o talanoaga faasalalau a le vaega o tala a le Stuff i le asō, o le moomia tele o se lagolago mai i le latou supamaketi o fesoasoani lautele – Social Supermarket – e lei aliali mai muamua.
Faaalia e Edridge, ua iai nei aiga, ua latou faailoa le lē toe iai o se faamoemoega, se tulaga maualuga o le lē mautonu ma se faanoanoa, e lei vaai iai muamua.
Ma ia ta’ua ai, ua latou vaai i le toatele atu o tagata e moomia se lagolago nai lo le mea sa latou vaai iai muamua, ituaiga o tagata eseese e sulu atu, ma ua latou vaai iai ua sili atu ona feto’i i le maua o nei taumafa nai lo le mea sa iai.
Ae ua faaalia e Edridge, e ui lava i le siitia o le taugata o taumafa, ae e tumau pea le tumu o fata o le latou supamaketi mo soo se isi e fia moomia ni taumafa.
Ia Tesema, sa vaai ai le Misiona i le 65 pasene o le siitaga o le manaomia tele o taumafa mai i masina i luma atu, ma e lē o alu i lalo ia Ianuari o le tausaga nei.
