O loo tulituli e le IRD le silia ma le 10,000 o pisinisi sa faia a latou nonogatupe i lalo o fesoasoani na aumai e le faigamalo ua mavae i taimi a o tigaina le tamaoaiga i le Koviti.
O lea ua savali le lua tausaga talu ona uma atu taimi na tapunipuni ai feoaiga i le va o atunuu ma aafia le tele o pisinisi i soo se vaega o le kelope, ma o loo toe valaau mai le IRD i le tusa ma le 129,000 tagata ua tatau ona toe totogi atu le tusa ma le $2.3 piliona o loo nonō ai i lalo o Small Business Cashflow loans.
Molimau a le IRD o le silia ma le 70% o i latou e oo atu i le $500 i le masina lea o loo latou toe totogiina, ae tusa ma le 4% o loo toe totogi atu le $1,000 i le masina.
O i latou e lē o mafai ona toe totogi atoa nonogatupe nei e tusa ma maliega na iai, o lea o loo tuu mai iai le avanoa e togitogi ai e ala i payment plans.
Fai mai ai ma le Employers and Manufacturers Association, o nonogatupe nei sa telē lona aogā i pisinisi auā o le mea moni semanu e lē oo mai i le taimi nei le tele o pisinisi ona o le leai o se tupe.
