O se tamaitai tausi soifua ua tuua’ia i le faaaogāina o se card mai le faletupe a se tasi o gasegase e feta’ua’ina mai le falema’i i le Gold Coast ma ua tula’i i le vaiaso nei i le faamasinoga lea tausi soifua.
O Melelani Crelley e pei ona lipotia e le ABC ua molia i le gaoi ma le taufaasese ina ua ia faaaogā le card a si tina gasegase lea e faapea na gaoia mai le va o Mati agai ia Me o le tausaga nei.
Ua tula’i ai le tamaitai i le faamasinoga i Southport i le asō ma talosaga ai lana loia e toe tolopo le mataupu, e lei iai sana tali i ona moliaga ma ua mafai ona tatala i tua e toe tula’i i le faamasinoga i le masina fou.
Fai mai toeitiiti 7 afe faatauga a lea tamaitai e feta’ua’ina na fai i le card a si tina gasegase.
Puna o Faamatalaga: https://www.abc.net.au/news/2024-08-09/gold-coast-nurse-in-court-accused-of-stealing-patient-bank-card/104204300
