O le asō lea e tula’i ai i le Faamasinoga Faaitumalo i Aukilani le alii e 25 tausaga mai Henderson lea na pu’e e leoleo i le po anapo i le faalavelave na osofa’ia ai se avepasi i Aukilani.

Ua faailoa mai o le avepasi na aafia ua silia ma le 20 tausaga i lana galuega ae o lana faamatalaga ua lē o toe lagona se saogalemu i lea auaunaga talu le osofa’iga o ia i le aso 4 o le masina nei.

Faapea se faamatalaga o le pasi na tu i New North Rd, e feta’ua’ina o i na osofa’i ai loa e le alii lea le avepasi ma sola ese, e lei vaai le avepasi i le a’upega na faaaogā e le alii lea e faaoo ai manu’a i lona ua ae masalomia a lē o se naifi poo se hopcard.

Na faia su’esu’ega a leoleo ma maua ai loa le 25 tausaga lea i le po anapo.

O nisi faamatalaga o lea faalavelave ua ta’ua ai sa iai pasese i luga o le pasi lea i le taimi na osofa’ia ai le avepasi ma o latou na viliina leoleo.

O le avepasi na aga’i mai i Niu Sila ina ua mae’a ona tautua i le militeli a Austria ae o lana faamatalaga i le Herald, o toleniga sa iai i le militeli e lē mafai ona taofia ai lona aafia i le osofa’iga faafuase’i lea na faapō ai ia e le alii ua molia nei.

Puna o Faamatalaga: https://www.nzherald.co.nz/nz/auckland-man-charged-over-alleged-unprovoked-attack-against-bus-driver/QVSC3GVJF5GVLOM2BCKBZTNACE/