E latalata i le $24,000 tupe faaalu a tagata totogi lafoga ona o faaiuga a le sa avea ma fofoga fetalai, Trevor Mallard.

O le tusi na faasa ai Winston Peters ma le palemene lea ua mafua ai lea peimeni, e ui o lea na toe faaleaogaina le tusi.

O se faaiuga e lei toe suia ai le mafaufau o Peters, ma o lea na toe faatalosagaina ai se isi iloiloga faasaga ia Mallard i le masina talu ai.

Ina ua fesiligia le fofoga fetalai ua tulai mai e suia Mallard, Adrian Rurawhe i le tau o nei iloiloga faaletulafono, na sau ai le tali e oo mai ananafi e $23,585.45

E le o le taimi muamua lea ua totogi ai e tagata totogi lafoga a Niu Sila tau o faamasinoga e taua ai Mallard, e pei foi ona iai le silia ma le $330,000 i se tasi foi o mataupu i le 2020.