O faia’oga o le aulakapi a Tonga o le a o latou iloiloina le ave ane o tama taaalo e lava le silafia i le taaloga, i latou o loo taaalo i kalapu i Europa, mo le taamilosaga o le tausaga fou e pei ona saunoa iai le faia’oga ulu o le au, Tevita Tuifua.
Ua ta’ua i lipoti sa iai Tuifua ma nisi o faia’oga o lana ‘au i le malae i Albany i le vaiaso talu ai e mata’itū toleniga a le Moana Pasifika ma maua ai nisi gaioiga o loo faia a le kalapu i le faasoaina ma le filiina o tama taaalo.
Fai mai Tuifua i le RNZ na te fia faamautūina o loo sa’o le tuufaatasiga o tama taaalo e mana’omia mo le faamoemoe ma ua fesoota’i foi ma le iuni a le atunuu i le faamautūina o taaloga mo le ‘au i le tausaga fou.
Puna o Faamatalaga: https://www.rnz.co.nz/international/pacific-news/537510/tonga-coach-wants-overseas-players-to-bolster-ranks-as-rugby-world-cup-qualifiers-loom
