O le taamilosaga kirikiti a tamaitai a le SouthSeas Pacific Cup sa faagasolo nei i Pakuranga, sa lagolagoina malosi e le South Seas Health Care.
O lea auaunaga sa ofoina atu lea e ala i le faia o siaki e faia fua mo tamaitai taaalo faapea le mamalu lautele o le atunuu sa auai atu ma maimoaina taaloga i le vaiaso atoa.
O tui o le koviti, o le siakiiina o le suka ma le toto maualuga sa lilifa iai le auaunaga i lea vaiaso faatasi ai ma le gaseseina o taumafataga mo autaalo.
O le isi itu na silasila iai le auaunaga a le South Seas Healthcare o le taumafai lea ia taofiofi mai tupulaga talavou mai le tagofia o fualaau faasāina ua tele ina aafia ai olaga o tupulaga, ae o le itu tāua o le auai lea o tupulaga talavou mai atunuu eseese o le Pasifika ua faigofie ona faaofi atu iai lea auaunaga.
O le mae’a ai o le taamilosaga i lenei tausaga ae toe faailoa ai loa ma le toe faaauauina pea o le faigapaaga a le South Seas Healthcare ma le SouthSeas Pacific Cup mo le isi tolu tausaga mo le faagasoloina o le taamilosaga kirikiti a tamaitai o le Pasifika.
O loo ua iai foi isi taamilosaga lakapi tag o lea foi ua tapena iai le South Seas Healthcare e tuu atu iai le latou tau’au e lagolago malosi le isi itu lea o taaloga.
