Ua folafola e le Malo i le asō se isi kulupu faufautua fou e faauluulu i le ta’ita’ifono o le kulupu a le aufaipisinisi ina ia faamautinoa e toaitiiti nisi e aafia i ni soligatulafono.

O le minisita o Faamasinoga, Paul Goldsmith ma le minisita lagolago o Nicole McKee na faia le folasaga lea i le asō i Ellerslie.

Fai mai le minisita o le kulupu lea o le a fesootai sa’o lava ma i latou e aafia, tagata faigaluega, aufaipisinisi, faatauoloa ma kulupu faufautua i totonu o le isi 2 tausaga ina ia saunia ane i le malo ni fuafuaga ia tali atu ai i lu’itau o loo feagai nei ma le auaunaga.

O lē ua filifilia e faaulu iai le kulupu lea o Sunny Kaushal, e telē le tomai i lea foi matafaioi.

O le aufaipisinisi Initia o loo finau pea i le malo i auala e tulituliloa ai le ausolitulafono i faleoloa lea e finau ai ua faateteleina le faaletonu i le ausolitulafono ua see ese mai i le osofai o faleoloa i taavale poo ram raids i le osofai o le au faatauoloa e faaaogā ai ni auupega.

Puna o Faamatalaga: https://www.rnz.co.nz/news/political/521869/government-sets-up-two-year-advisory-group-on-retail-crime