O se solo tetee a tausi soifua ma faatosaga sa fuafua e faataunuu i le asō ua lē faataunuuina i se tasi o falema’i i Sini.

Fai mai o le aufaigaluega i le Northern Beaches Hospital i Frenchs Forest e faagaioia e le Healthscope o se private operator, sa fuafua e sasavali ese ma galuega i le taeao analeila lana aufaigaluega ona o se vaega o solo tetee a falema’i e 6 sa faatulaga i le asō i Sini peitai o le ta o le 7 i le taeao analeila na faia ai le faai’uga a le Fair Work Commission e lē tatau ona faataunuuina solo tetee ua fuafua mo falema’i i Penrith, Campbelltown, Bella Vista, Liverpool, Randwick ma Frenchs Forest.

O le aufaigaluega la i le falema’i lea sa faaleo foi o latou popolega i se taimi ua tuana’i e faatatau i le uumi o taimi faatali mo gasegase e vaaia ai foma’i ma isi tulaga e faatatau i le maliu o se tamaitiiti 2 tausaga ia Setema tausaga talu ai, lea ua maua i se iloiloga na faia ma faailoa mai i le aso ananafi sa tatau ona togafitia le tamaitiiti i totonu o le 10 minute talu ona taunuu i le falema’i lea i Northern Beaches peitai ane e 2 ma le ‘afa itula faato’ā maua se moega e taofia ai ae le’i faia lava togafitiga. 

Puna o Faamatalaga: https://www.9news.com.au/national/nurses-and-midwives-hold-strike-at-sydney-northern-beaches-hospital/dbe6328b-a810-460f-a301-221999847bef