Toe tolopo ile aso e tasi le taaloga ole taamilosaga lona lua ole super rugby Aotearoa ile va ole Crusaders ma le Hurricanes ina ia mafai ona maimoaina e le au maimoa le taaloga I le Orangetheory Stadium I Kalaiesetete.
Ole taaloga sa faatulaga ilea so aso toonai peitai ua toe tolopo ile aso Sa ile4.35 ile aoauli sei faatalia ai le toe aveesea o sa o le faamai I faaitu e pei o Kalaiesetete lea o loo I le vaega lua o le lockdown.
O loo fuafua e faamaea le lockdown ile aso Toonai lea la ua toe fetuunai ai ma le taaloga pei ona lipotia I le televise a Niu Sila.
Ole taaloga a le Chiefs ma le Highlanders o le a faia pea I Hamilton ile Faraile ae o le a leai se au maimoa e pei ona iai fetuunaiga ole taamilosaga.
Fai mai le faauluuluga o le lakapi faapolofesa Chris Lendrum e leai seisi e fia taalo I se stadium e leai ni tagata ma ole mafuaaga lea o le faaiuga e toe tolopo ile 24 itula, e le gata mo tama taaalo ae o tagata maimoa foi ma le au lagolago ia mafai ona auai faatasi ai.
