O le fonotaga a le Kapeneta i le vaiaso nei, lea ua toe faamaonia ai le tofiga o le afioga ia Muliagatele Masoe Makelita Tufuga-Matafeo e faaauau o le Ofisa Sili i le pulega a le Faalapotopotoga o Taui mo Faalavelave Faafuasei poo le ACC mo le isi tolu tausaga.
Ua 20 tausaga o tautua ai Muliagatele i lenei faalapotopotoga, ae ua 9 tausaga o ia tauaveina le tofiga o le Pule Sili o le ACC, o se faalapotopotoga tuma’oti a le Malo.
Ua 58 tausaga o lenei tina, ma e mai afioaga o Aleisa ma Samalaeulu i Savaii.
O se tasi foi ua loa lana tautua faamaoni i le atunuu, ma ua tele lona silafia i le faatinoga o tiute tauave ma matafaioi faatino o lea tofiga tāua a le Malo.
O loo umia e Muliagatele faailoga taualoa o le Bachelor of Business (Accounting) mai le Iunivesite a La Trobe i Ausetalia.
O lana nofoaiga lona 4 lenei e taitolu tausaga mo le tofiga o le Ofisa Sili o Pulega mo le ACC.
