Ua toe tatala le State Highway 1 i Brynderwyn Hills i le mae’a tapunia ai i le faai’uga o le vaiaso ona o palapala solo.
Na vave ona galulue tagata faigaluega e toe faamamā palapala solo na tapunia ai le highway i le faai’uga o le vaiaso ma i lipoti o lea ua toe tatala ae ua tuu mai i lalo le saoasaoa faatapulaa e feoa’i ai taavale i le 30.
Fai mai ai ma le NZTA o loo ia mata’itūina pea a o toe tatala ai mo le mautinoa o le saogalemu o tagata feoa’i ma ua faafetaia ai foi konekarate i le vave tali atu mo galuega faamamā faapea le lava papale o tagata lautele.
O Brynderwyn Hills o lea faato’ā tatala i le masina talu ai i le mae’a tapuni ai mo le 18 masina, ma e lē o se tala fiafia i tagata o loo nonofo i Matu le toe tapuni ai i le faai’uga o le vaiaso.
Puna o Faamatalaga: SH1 reopens over Brynderwyn Hills after overnight slips (1news.co.nz)
