A o iai pea le matagaluega o pisinisi ma galuega i taimi o le taumafai e tuu mai i lalo ana tupe faaalu, o lea ua vaavaai i nisi tagata galulue vāea, ma o loo tatala mai i tagata e ofo atu lava i latou poo le voluntary redundancy.
O le aso ananafi lea na faailoa ane ai i le aufaigaluega a le matagaluega lenei fuafuaga, ma ua faia a o loma le aso 30 o Me ma le paketi.
E lē gata i le matagaluega o pisinisi ma galuega ae o lea foi na fai e le matagaluega o Primary Industries faapea le soifua maloloina ananafi, ma le tala e faitau selau tagata e ono vāea.
O le vāea a le matagaluega o pisinisi ma galuega na fai mai ai ananafi, e ese mai lea i le isi foi vāea lea na faailoa mai i le masina nei ua talia e le 111 tagata faigaluega le o i le vāea.
Māua e tala fou talu mai le amataga o Tesema, o le taimi lea na amata taofia lē tumau ai e le matagaluega o pisinisi ma galuega le toe faasalalau o nisi avanoa faigaluega .
I vāea ua ta’ua mai, na faaalia e le minisita o tagata faigaluega a le malo ananafi, Nicola Willis, lona alofa i tagata ua aafia galuega, peitai e lē o mafai ona ia faamautinoaina mai poo le ā le toatele o tagata faigaluega ona o le talosaga a le malo ua faaitiitia ai tupe alu a matagaluega eseese.
