O Rieko Ioane le tama taalo lona lua o le All Blacks ua faamaonia mai le toe saini i le ‘au a le atunuu seia oo atu i le faaiuga o le Ipu o le lalolagi i le 2027.
Ua 26 tausaga o le alii taalo ma ua 59 ana taaloga faavaomalo, o ia ma le hooker o Samisoni Taukeiaho lea ua toe faamautu o la avanoa i le All Blacks.
Fai mai Rieko ua lagona le mitamita e toe saini i le ‘au a le atunuu seia oo i le 2027 ma e fiafia e fai ma sui o lona aai o Aukilani ma o le faaiuga aupito sili lea mo ia ma lona aiga ma le lakapi aemaise foi o le atia’e pea o lana taumafai i le Blues ma e iai foi ana moemitiga o loo taumafai e ausia e le gata i le atunuu ae faapea foi i le faavaomalo.
E oo mai i le taimi nei e toa 20 tama taaalo o le All Blacks ua faailoa lo latou tutumau i le All Blacks seia mae’a le Ipu o le lalolagi i Farani i le tausaga nei.
