O tamaiti e toatolu lea na tau sailia mai le Gold Coast ua toe maua uma ma o loo manuia e pei ona faamaonia mai e leoleo mai lea faaitu.
O le matutua o tamaiti, e 3 tausaga o le teineititi ma tamaiti e toalua e 5 ma le 6 tausaga.
Fai mai na tau sailia mai talu le 4 i le aoauli ananafi mai Paradise Point.
O le tala fiafia mai leoleo ua ta’ua ai ua toe maua uma le toatolu ma o loo manuia.
Na maua i se nofoaga i Mt Warren Park i Logan pe ā ma le 40 minute mai le Gold Coast.
Ua faailoa i lipoti a le 9News ua pu’eina le tamā o tamaiti e 27 tausaga i nisi moliaga ese mai le mataupu lea ma ua faafetaia e leoleo le fesoasoani a le atunuu i lea foi mataupu.
Puna o Faamatalaga: https://www.9news.com.au/national/police-issue-amber-alert-over-missing-children-on-gold-coast/fd4bb4bb-40c9-4314-8c0f-2fea716310e1
