Ua toe foi mai timuga mamafa ma lōlōga i le itu i Matu o Kuiniselani i Ausetalia i le vaiaso nei, ma ua lipotia mai o lea lava e faaauau mai i le asō.
O le itu i Matu lea o loo mamafa iai le pa’ū o le timu, faaauau mai ai i Northern Territory ma Matu i Sisifo, ma e ono toe afātia i le faai’uga o le vaiaso faasolo atu i le amataga o le vaiaso fou.
E iai vaega o Kuiniselani o lea lava e le’i iloga ona ea mai le afā o Alfred, peitai o lea ua toe aafia.
O le vaiaso nei foi o loo faaauau mai ai asiasiga a le Palemia, Anthony Albanese i vaega na faaleagaina e le afā o Alfred, e pei o Hervey Bay ma New South Wales.
I itu tau tupe, e ono oo atu i le $1.2 piliona tupe faaalu ona o mea na faaleagaina e le afā o Alfred.
Puna o Faamatalaga: Jane Bunn weather forecast: Heavy rain and flooding to hit northern Queensland as cyclone looms off northwest coast | 7NEWS
