E iai se faigamalaga a le Jetstar na toe faafoi mai i Melepone ona o lipoti e faatatau i se tasi o le pasese sa iai i luga o lea faigamalaga.
O loo ta’ua e le 7News o le malaga mai Melepone i Bali ua toeitiiti lua itula talu ona alu ae faamalosia le toe foi mai i Melepone i le aso ananafi ona o se tasi o le pasese ua faigata ona faafilemu i luga o le vaalele.
Fai mai na faia le faaiuga a le pailate o le a toe liliu mai le vaalele mo se fesoasoani a le Australian Federal Police.
Ua lipotia e iai nisi o le aufaigaluega ua lē mafai ona faaauauina le faigamalaga ma toe faatulaga ai le malaga mo le 10 i le taeao analeila.
Na sauni e le kamupani vaalele nofoaga e malolo ai le pasese i le po anapo aemaise o isi fesuiaiga.
Ua ta’ua e le sui o le kamupani o le saogalemu lava o le mamalu o le atunuu femalagaa’i e ave iai le faamuamua ma o loo faatino nei le suesuega a leoleo i le pasese e pei ona lipotia.
