O le aso ananafi lea na faatoa toe foi atu ai le taitai o le NZ First, Vaovasamanaia Winston Peters mo le uluai taimi ile Palemene talu mai na maea le faigapalota

Ripoti a le newshub, maitauina ai le le fia saunoa o Vaovasamanaia I le tuifesili o ia e le au tusitala

O Vaovasamanaia na faia ai sa latou taumafatagata I le po ananapo ma nisi o lana o lana vaega

I le le fo’I mai o Vaovasamanaia ma lana pati e nofoia le palemene mo lenei paeaiga, o le fesili ua iai nei, o le a le lumanai mo le NZ First? Ae pe faamata e toe faaluaina le 2008, lea e lei mafuta ai le NZ First mo le tolu masina ina ua uma ane foi le faigapalota e le i ausia foi pasene e agavaa ai mo le maota

I le matua o lona soifua ua iai nei, 75 tausaga, faamata e toe faamalosi mai Vaovasamanaia e pei ona toe foi malosi mai ai I le 2011.

Ua upuia nisi o kamupani faifaiva I totonu o NZ, e ala ona o latou aumaia alii fagogota mai isi atunuu ona e le tele se tupe e totogi ai

Peitai ua le tali se tasi o sui, e lapisi uma nei tuuaiga, ona o se faaiuga ua faia mafua I le le lava o tagata faifaiva e iai le tomai ma le agavaa e fagotaina ai le gataifale

Masina talu ai na faataga mai ai e le malo le mafai ona aumai o le tusa ma le 570 tagata faigaluega mai fafo e fagotaina le gataifale

Peitai I luga o tala a le leitio NZ, ua tautino ai se tasi o inisinia ua silia ma le 10 tausaga o galue I luga o vaa, peitai ua fiu e talosaga I galuega nei e n ate le maua

Peitai ua saunoa Helen McAra o le New Zealand Merchant Service, o tagata faigaluega nei ma fafo e maualalo tele o latou totogi I atunuu o loo aumau ai, ma e le fou feutanaiga faapenei ole saili mai fafo o tagata faigaluega mai atunuu e taugofie ai

Talitonu foi McAra o se faiga ua toe faaolaola mai e le Koviti ma ona aafiaga I atunuu eseese ma tamaoaiga Toatolu kamupani tetele I totonu o NZ na aumaia alii faifaiva mai Lusia ma Ukraine, ma o le vaega muamua o lenei aumalaga lea o loo tele ina faamaonia ua maua I le Koviti ao faanofoesea ai I le faletalimalo e tasi, Sudima I Kalaiesetete