Ua toe ta’ua mai foi le aafia o le igoa o lē sa faipule muamua, Golriz Ghahraman i lona gaoi o oloa a o iai i faleoloa.
Ua lipotia e le Herald o lea ua amata su’esu’ega a leoleo i le vaiaso nei e faatatau i le faaseā faasaga ia Golriz, ma o le Pak n Save i Royal Oak i Aukilani i le faai’uga o le tausaga faato’ā uma atu lea e ta’ua mai ai.
O oloa nei e faapea o isi na tuu i le ato faatau a o isi na tuu i lana ia lava ato o loo asoa, ma o le time na totogi ai lea na faatonuina ai e laga uma ato e lua.
O gaioiga uma foi nei na maua uma i meapu’eata i totonu o le supamaketi.
O Golriz o lea na faamavae mai lona tofiga faipule mai le pati a le Green Party i le masina o Ianuari o le tausaga talu ai ina ua su’esu’eina i le gaoi, mulimuli ai ioeina ona moliaga i le masina o Mati.
Puna o Faamatalaga: Golriz Ghahraman shoplifting allegations: Former MP reportedly seen putting items into tote bag at Pak’nSave – NZ Herald
