Ua faamauinanei Brisbane I Kuiniselani ose hotspot mo le koviti 19 ina ua toe maua isi cases fou e fa ile komiuniti.
O le fa lea ua aofia ai le toa 10 o tagata ua aafia ua faamauina I totonu o Kuiniselani ma o le a amata faamamalu ai le tapu I Brisbane I le aso.
Faasauni talifofoga ma nofo sauni mo nisi o tapu o le koviti, o nisi ia o lapataiga mai le ofisa sili o le soifua maloloina I Kuiniselani Jeanette Young lea na ia faailoa I le lipoti a le alaata 7 a Ausetalia e faapea ua toe ose aga ona toe amata faamamalu lea o le tapu Brisbane, .
Ua fautuaina tagata I le setete ina ia faia talifofoga I nofoaga faitele, taulaga faatau ma auala o femalagaaiga lautele ona o lea o le a toe faia le tapu mo le tolu aso e toe loka ai le setete ao faia galuega o le sailia ma le togafitia o nisi sa ono fesootai ma tagata ua aafia I le koviti. E 4 isi cases fou ua faamaonia I le taimi nei talu ona toe maua le case I Kuiniselani I le tau faaiuiuga o le vaiaso talul ai. O loo fautuaina tagata e faia siaki ma ia siaki foi I le upega tafailagi a le malo ina ia silafiaai nisi o vaega sa afea e I latou ua aafia
