Ua toe faamaonia siaki o le Koviti o le isi tagata faigaluega I le Grand Millenium I Aukilani, ma o le lona tolu ai lea
O le po anapo na ripotia mai ai ua faamaonia le tagata lona tolu ma o se tasi e vava lalata ma le tagata faigaluega sikulati lea na faamaonia I le vaiaso talu ai
O le case fou ananafi ma le sikulati na ripotia mai I le vaiaso talu ai, ua faamaonia I siaki o le genome sequencing e fesootai uma I le kiligi lea na muai maua I nai vaiaso e le I mamao atu
Tala a le soifua maloloina o le case na faamaonia mai ananafi e faamaonia o loo faanofoesea, ma e itiiti le tulaga ono lamatia ai o le komiuniti, ma ua auina atu ma lana paaga I se tasi o nofoaga faanofoesea I Aukilani
E fa nofoaga na asia e cases e lua, case ananafi ma le sikulati o le vaiaso talu ai, ma e I totonu uma o Mt Roskill, ma o loo maua uma nei nofoaga I le auupega tafailagi a le soifua maloloina
