O le faaleaogåina o le auaunaga tele a le Te Pukenga ua ta’ua i se tusitusiga i le taeao analeila o le a toe tuuina atu ai ni tulaga mautinoa i nisi o institute e faagaioia ai e latou lava a latou auaunaga, o se saunoaga lea mai le minisita o aoga maualuluga.
Faailoa e le RNZ se saunoaga mai le minisita o Penny Simmonds i le Morning Report e faapea, i le toe faata’ape ai o le Te Pukenga ua iai foi ma se isi vaega e silasila iai o le vaea lea o tagata faigaluega.
O le Te Pukenga lea sa aofai uma iai le tele o auaunaga a aoga maualuluga ma institutes peitai sa faamauina le gau o tupe i le tausaga faaletupe na se’i mavae atu nei lea la ua afua ai suiga ua toe faatulaga nei.
Fai mai le Tertiary Education Union e lē taumate o lea fuafuaga e tele tupe ua faaalu ai ae foliga mai mo le taimi nei e lē o mailoa poo le ā le isi fuafuaga o le a iai.
