O le faigamalaga a le a Niu Sila NZ81 mai Aukilani mo Hong Kong na toe faafoi mai i Aukilani ae ua 2 ma le ‘afa itula talu ona i luga o le ea i le aso ananafi.
Lipotia e le televise tasi se faamatalaga mai le Ea Niu Sila e faapea o le faai’uga na faia e toe foi mai le vaalele i Aukilani ona sa manaomia e pei ona ta’ua i le pepa o faamatalaga le anti ice function mo le isi ona afi e tatau ona siaki e le maintenance team.
Fai mai le pepa o faamatalaga o le siaki i Aukilani ae lē o Hong Kong e faamautinoa i le vave ona toe faaauau o ana faigamalaga.
Ta’ua e le sui o le kamupani i lea lipoti e lei iai se lamatiaga i le pasese ma ua faafetaia foi lo latou onosai i fetuuna’iga sa faia.
O le lua ai lea o vaalele a le Ea Niu Sila ua toe faafoi mai i faigamalaga i lenei vaiaso.
O le Aso Lua na toe foi mai ai foi i Aukilani le vaalele sa fuafua mo Shanghai ina ua tulai mai ai se faaletonu ae pe ā ma le 9 itula i luga o le ea.
Puna o Faamatalaga: https://www.1news.co.nz/2024/07/05/air-nz-flight-to-hong-kong-turned-back-after-25-hours-in-the-air
