Na toe faafoi mai foi se isi faigamalaga a le Ea Niu Sila na malaga atu mai Aukilani mo Melepone i le aso ananafi ina ua maitauina e le aufaigaluega sina faaletonu i luga o le vaalele.
Ua ta’ua i lipoti a le One News i le asō na faia le faai’uga e toe liliu mai le vaa i Aukilani ina ia asia lea tulaga ma na saunoa ai le faauluuluga o le vaega e feagai ma le matafaioi lea a le kamupani, Capt David Morgan i le faatalanoaga ma le Televise 1, e leai se lamatiaga o le saogalemu i pasese ma sa faataamilomilo mo sina taimi le vaalele seia ausia le mamafa sa manaomia ma sa faalēaogāina ai ma se tasi malaga a le vaalele mai Melepone i Kalaiesetete.
E iai nisi finagalo faaalia ua ta’ua ai ua alagatatau ona silasila toto’a le kamupani i tulaga faapea aemaise e lē na o le pau lea o se faigamalaga i lenei vaiaso ua toe faafoi mai i Aukilani.
O loo galulue le aufaigaluega i le toe faatulagana o bookings a pasese na aafia i lea faaletonu.
Puna o Faamatalaga: https://www.1news.co.nz/2024/07/11/air-nz-flight-turned-back-to-auckland-after-minor-technical-issue
