O lea ua toe atoa le sapalai o le eletise mo tagata Northland.

O le pa’ū ai o le pou eletise na motusia ai le sapalai eletise i Matu o le atunuu, na faia ai e le Transpower suiga lē tumau e tau ina faaola ai ae e faatapulaa.

O le po anapo na faamautinoa mai ai loa e le sui o le pulega a le Transpower o lea ua mae’a galuega na taumafai e toe faaui ai le malosiaga na mafai ona sau mai le pou ua pa’ū ma ua manuia.

Ua sau ai ma le tala o lea ua vaavaai nei le pulega i le agai i luma e ala lea i le faia o se isi pou eletise fou.

Ua faafetaia ai e le Transpower tagata Northland i le lava papale a o faasolo galuega faalelei aemaise o le utagia o le talosaga na aumai e faatapulaa le faaaogā o le eletise a o tau faasoa ai le sapalai.

Puna o Faamatalaga: Full security of electricity supply into Northland restored after tower collapse | Stuff