O lea ua tapenapena le vaega o foma’i ma tausi soifua o le polokalame fesoasoani a le fitafita o le Malo o Amerika ua faaigoaina o le Soifua Manuia Mission, e toe galulue i le vaaia o le soifua mālōlōina o tagata o le tatou atunuu.
O le toe afe mai i Samoa o lea fesoasoani tau soifua mālōlōina o le a maua ai le avanoa e lē totogia e vaai ai ia foma’i ma maua ai togafitiga.
O falema’i o Tuasivi, o Safotu ma Sataua i le motu o Savaii o le a maua ai ia foma’i ma tausi soifua, ae o le maota gasegase i Motootua, ma falema’i faaitumalo i Faleolo, o Lufilufi ma Lalomanu o nofoaga ia mo le atunuu lautele i Upolu.
O le Aso Lua o le vaiaso a sau, 22 o Aperila e amata ai lea fesoasoani se’ia oo i le aso 30 o le masina nei lava.
